د مقاومت جبهه: هرات کې مو یو طالب قوماندان و واژه

د افغانستان د ملي مقاومت جبهې اعلان وکړ چې د دغې جبهې ځواکونو په هرات کې د طالبانو یو قوماندان وژلی دی.

دغې جبهې نن پنشنبه د تلې په ۱۹مه د یوې اعلامیې په خپرولو سره ویلي چې د دوی ځواکونو دغه طالب قومندان دوه شپې وړاندې د میزان په ۱۷مه د هرات – کرخ پر سړک او د « کهریزک» پوستې ته څېرمه وواژه.

که څه هم د مقاومت جبهې د دغه طالب قومندان نوم نه دی یاد کړی؛ خو هغه وويل چې د هرات پر لويه لاره د وسله والو طالبانو د پټنځاي د کشفولو دنده يې په غاړه درلوده.

د خبرځاى د څرګندونو له مخې په دې بريدکې دوسله والو طالبانو دډلې دوه تنه ساتونکي ټپيان شول .

د ملي مقاومت جبهې زياته کړه چې په دې بريد کې دطالبانو يو شمير پوځي تجهيزات هم د دغې جبهې د ځواکونو لاس ته ورغلي دي.

جمهورخبري آژانس