د افغانستان د ازادۍ جبهه وايي، د دوی ځواکونو په کابل او کندز کې پر طالب جنګیالیو بریدونه کړي دي.
د جمهور آژانس د خبر له مخې دغې جبهې تېره شپه د تلې په ۱۳ مه د یوې خبرپاڼې په خپرولو سره ویلي چې په دغو بریدونو کې ۷ تنه وسله وال طالبان وژل شوي او ټپیان شوي دي.
د دغې جبهې په یوې اعلامیې کې ویل شوي چې تېره شپه د کابل ښار د ۱۷مې ناحیې اړوند د «پنځه ستوري د تیلو د ټانک» په سیمه کې د دې ډلې ۳ تنه طالب جنګیالي وژل شوي او یو بل ټپي دی.
د ازادۍ جبهې په یوه بله اعلامیه کې دا هم ویل شوي چې تېره شپه د کندز ولایت په امام صاحب بندر کې د دوی ځواکونو پر طالب جنګیالیو بریدونه کړي دي.
د خبرځاى دڅرګندونو له مخې: په دې بريدکې دوه تنه وسله وال طالبان ووژل شول او د دغې ډلې يو بل تن ټپي شو.
ازادي محاذ په دغو دواړو بریدونو کې خپلو ځواکونو ته د احتمالي مرګ ژوبلې په اړه څه نه دي ویلي.
جمهورخبري آژانس
