د افغانستان د ازادۍ جبهه وايي، د دې جبهې ځواکونو د بغلان ولایت په مرکز پلخمري ښار کې د طالبانو پر استخباراتي روزنیز مرکز برید کړی دی.

دغې جبهې د یوې خبرپاڼې په خپرولو سره ویلي، چې دغه برید تېره شپه د پلخمري ښار په څنډه کې د کرکر ماین په سیمه کې د طالبانو د استخباراتو په روزنیز مرکز ترسره شوی، چې په پایله کې یې ۲ تنه وسله وال طالبان وژل شوي او ۳ تنه نور ټپیان شوي دي.

د اعلامیې پر بنسټ، طالبان له دغه مرکز څخه د چین او منځنۍ اسیا د اویغورانو په ګډون له پولې هاخوا د ترهګرو ډلو د روزنې لپاره کار اخلي.

جمهورخبري آژانس