د باميانو ځايي سرچينې وايي، د باميانو په يکاولنګ نمبر ۱ ولسوالۍ کې د سېلابونو له امله ۱۷ تنه وژل شوي او ۱۰ نور ورک دي.

د سرچينې د معلوماتو له مخې، دغه سېلاب د چنګاښ د مياشتې په پنځمه نېټه د باميانو ولايت د یکاولنګ نمبر ١ ولسوالۍ د هزارچشمه، دوزدان چشمه او پدينېتو په سيمو کې له سختو اورښتونو وروسته رامنځته شو.

ويل کيږي چې د ښځو او ماشومانو په ګډون ټول قربانيان د دوو کورنيو غړي دي.

سرچينې زياته کړې، چې تر اوسه له ګېل او لاى څخه د ٧ کسانو مړي را ايستل شوي او لس نور لادرکه دي.

جمهورخبري آژانس