احمد مسعود:
هڅه کوو چې د افغانستان خلکو ته هیلې راژوندۍ کړو
پنجشنبه ۷ سرطان ۱۴۰۳ ساعت ۰۷:۵۹
د افغانستان د ملي مقاومت جبهې مشر احمد مسعود وايي، دغه جبهه هڅه کوي چې د افغانستان خلکو ته هیلې را وپاروي.
محقق پرون چهارشنبه د سرطان په ۶مه په یوه خبري غونډه کې وویل چې د نړۍ د ځینو هېوادونو دوه مخي چلند د دې لامل شوی چې افغانستان یو ځل بیا طالبانو ته تسلیم شي.
هغه يادونه وکړه، چې طالبان له تېرو درېيو لسيزو د نړۍ او افغانستان له خلکو سره ښکېل وو.
محقق زیاته کړه، اوس د دې وخت دی چې نړۍ پوه شي چې دوی (طالبان) د حق او سولې خبرو ته غوږ نه نیسي.
خو؛ د هغه په وينا، په تېرو درېيو کلونو کې امريکا طالبانو ته له ١٥ ميليارده ډالرو ډېره مرسته کړې ده.
باید وویل شي، چې د ویانا غونډه درې ورځې وړاندې د ۷۰ طالب مخالفو سیاسي، نظامي، فرهنګي او مدني شخصیتونو په شتون سره پیل شوه.
دا غونډه د اتریش د نړیوال انستیتیوت په نوښت د افغانستان د راتلونکي لپاره د یوې لارې نقشې د ترلاسه کولو په هدف جوړه شوې وه.
جمهورخبري آژانس
مسعود د ویانا د غونډې په درېیمه ورځ او پای کې په یوه خبري غونډه کې وویل چې په دې غونډه کې د افغانستان د بېلابېلو برخو استازو او ښځو ګډون کړی و.
هغه وویل چې د ویانا څلورمه غونډه په افغانستان کې د کړکیچ د پای ته رسولو لپاره د لارې نقشې د موندلو په موخه جوړه شوې وه.
د هغه په وينا، په ويانا کې غونډه پراخه او هر اړخيزه ده او پر بېلابېلو موضوعاتو خبرې وشوې.
ښاغلي مسعود ټینګار وکړ چې د ویانا په راتلونکې غونډه کې به هم د خبرو د دوام او خپل اصلي هدف ته د رسېدو لپاره هڅې وشي.
د یادولو ده، چې د ویانا غونډه درې ورځې وړاندې د ۷۰ طالبانو ضد سیاسي، نظامي، فرهنګي او مدني شخصیتونو په شتون سره پیل شوه.
دا غونډه د اتریش د نړیوال انستیتوت په نوښت جوړه شوې وه.
جمهورخبري آژانس
د مطلب کود: 173725
