د بشري حقونو د څار څېړونکې سحر فطرت د دوحې په درېیمه غونډه کې د ښځو د نه ګډون په غبرګون کې د ملګرو ملتونو پر کارکردګۍ نیوکه کړې ده.
فطرت په یوه مقاله کې چې په ملګرو ملتونو یې نیوکه کړې وه په فارسي ژبه لیکلي چې هر څه چې مات شي مالګه پرې اچوي، خو افسوس په هغه ورځ چې مالګه پخپله مات شي.
هغه زیاته کړه، "که د دوحې درېیمه برخه له پلان سره سم پرمخ لاړه شي، ملګري ملتونه به یو ډېر زیانمن مثال رامنځته کړي او د خپلو حقونو لپاره به د افغان ښځو له مبارزې سره خیانت وکړي."
د هغه په وينا، ملګري ملتونه به د ښځو په پرېښودو او د طالبانو د خوشالولو له لارې خپل اعتبار ته زيان ورسوي.
د يادونې وړ ده، چې د دوحې غونډه به څو ورځې وروسته د ملګرو ملتونو په کوربه توب د يادو هېوادونو د ځانګړيو استازيو او د طالبانو د استازو په ګډون جوړه شي.
ویل شوي چې د دوحې له غونډې مخکې او وروسته پلان لري چې له ښځینه فعالانو او د افغانستان د مدني ټولنې له ډلو سره سلا مشورې وکړي، خو دوی به په هغو غونډو کې ګډون ونه کړي چې طالب چارواکي پکې حضور ولري.
د دوحې په غونډه کې د ملګرو ملتونو دغه کړنه د بشري حقونو د مدافعینو له خوا په پراخه کچه انتقاد شوې ده.
جمهورخبري آژانس
