طالبان په دایکندي کې له خلکو سره د ویشل شویو مرستو څخه پیسې اخلي

په دايکنډي کې باخبره سرچينې وايي چې طالبان په دغه ولايت کې له خلکو سره له وېشل شويو مرستو څخه پيسې اخلي.

د سرچينې د معلوماتو له مخې، طالبانو د دايکنډي په ځانګړي ډول د اشترلي ولسوالۍ له اوسېدونکو سره ژمنه کړې، چې د ياد بنسټ له لوري پر خلکو د وېشل شويو مرستو يوه برخه به دوى ته ورکوي.

د سرچينې د معلوماتو له مخې، د طالبانو ځايي چارواکو ځايي اوسېدونکو ته خبرداری ورکړی، چې که په دایکندي کې د نړیوالو مرستندویه موسسو فعالیت ته اجازه ورنه کړي.

سرچينې په ځانګړي ډول د دايکنډي د اشترلي ولسوالۍ لپاره د طالبانو د ولسوال مولوي عبدالاسلام مزمل يادونه وکړه او ويې ويل، چې تر اوسه يې له خلکو سره د وېشل شويو مرستو له ډلې څخه ٤٢٥ زره افغانۍ وتلي دي.

ویل شوي، چې طالب چارواکي دغه پیسې د دایکندي په پایتخت کې د سیمه ییزو شوراګانو له لارې ټولوي.

تر دې وړاندې سیګار یا له افغانستان سره د امریکا د مرستو ځانګړي مفتش هم راپور ورکړی و چې طالب ډلې د نړیوالو مرستو یوه برخه د دغه هېواد خلکو ته اړولې او جیبونه یې وړي.

جمهورخبري آژانس