د سلما د برېښنا بند درېیم توربین فعال شو

برېښنا شرکت خبر ورکړی دی، چې د سلما د برېښنا بند درېیم توربین بشپړ او به نورمال ډول فعال شو.

د برېښنا شرکت په یوه خبرپاڼه کې ویلي، چې د برشنا د هرات څانګې تخنیکي کارکوونکو د سلما برېښنا بند د درېیم توربین د ترمیم چارې بشپړې کړې او دغه توربین بېرته فعال شو.

د معلوماتو له مخې په هرات کې د سلما د برېښنا بند هر توربین په ۲۴ ساعتونو کې له ۲۲۰ میګاواټه ډېره برېښنا تولیدوي چې د دغه ولایت په شبکو وېشل کېږي.

جمهور خبري آژانس