د افغانستان پخواني ولسمشر حامد کرزي د ایران د راکټي او بې پیلوټه الوتکو د برید په غبرګون کې اسرائیلو ته ویلي، چې دا برید له ځانه د دفاع مشروع حق دی.
ښاغلي کرزي تېره شپه د وري ٢٦مه په خپله فېسبوک پاڼه ليکلي چې په دې وروستيو کې د جګړو او کړکېچونو د زياتوالي او له نړيوالو قوانينو او اصولو څخه د سرغړونې له امله د نړۍ سوله له جدي ګواښ سره مخ شوې ده.
د هغه په وينا، په دمشق کې د ايران پر کونسلګرۍ د اسراييلو بريد يوه له هغو نويو قضيو څخه وه چې د ايران د اسلامي جمهوريت له غبرګون سره مخ شوه او له ځانه د دفاع مشروع حق بلل کېږي.
هغه زیاته کړه، ایران د افغانستان یو ورور او ګاونډی هېواد دی، چې په سختو شېبو کې یې له خپلو خلکو سره لاس او ګریوان دی او افغانان هم د ایران له خلکو سره د خواخوږۍ او پیوستون احساس کوي.
دا په داسې حال کې ده چې دوه شپې وړاندې ایران په لسګونو راکټونو او بې پیلوټه الوتکو په اسرائیلو بریدونه وکړل.
دا برید په سوریه کې د ایران پر کونسلګرۍ د اسراییلو د وروستي برید په غبرګون کې شوی دی.
جمهورخبري آژانس
