په هرات کې د شیعه دیني عالمانو له وروستۍ هدفي وژنې نږدې یوه اوونۍ وروسته په افغانستان کې د ملګرو ملتونو ماموریت د دغو پېښو پر زیاتوالي اندېښنه څرګنده کړې ده.
دغه سازمان تېره شپه د لیندۍ ١٣مه په خپله فېسبوک پاڼه ليکلي، تېره مياشت افغانستان په کابل، بغلان او په دې وروستيو کې په هرات کې د شيعه هزاره ګانو پر وړاندې د تاوتريخوالي د زياتېدو شاهد و.
UNMA ټینګار کړی چې دا "د قربانیانو سره خپله خواخوږي څرګندوي، د تحقیقاتو غوښتنه کوي، د عاملینو لپاره حساب ورکونې او د خطر سره مخ خلکو سره د مرستې زیاتوالي."
په همدې حال کې په هرات کې پر شیعه عالمانو له وروستي هدفي برید نږدې یوه اوونۍ تېرېږي.
ویل کیږي چې ملګري ملتونه په ځانګړې توګه په افغانستان کې د دغه سازمان استازی په افغانستان کې د طالبانو او یا هم د دغې ډلې د حکومت تر پوښښ لاندې د ترسره شویو جنایتونو په زغملو او له پامه غورځولو تورن دی.
امنیت شورا ته د افغانستان د وضعیت په اړه د ملګرو ملتونو وروستی راپور چې د دغه سازمان د مرستو همغږي کوونکي سینیرلیوګلو له خوا چمتو شوی، هم له توندو غبرګونونو سره مخ شوی دی.
په دغه راپور کې له طالبانو سره د نړۍ په تعامل ټینګار شوی؛ په داسې حال کې چې دغې ډلې د ښځو د حقونو او بشري حقونو ته د درناوي په ګډون ټول نړیوال معیارونه رد کړي دي.
جمهورخبري آژانس
