د افغانستان د اوسني وضعیت مسووله امریکا ده

ورلډ پولټیک رېویو نشریې په یوه مقاله کې لیکلي، امریکا په ناروا توګه د افغانانو میلیاردونه ډالر شتمني کنګل کړې ده او دغه هېواد یې له ناوړه اقتصادي وضعیت سره لاس او ګریوان کړی دی.

د جمهور خبري آژانس د خبر له مخې په مقاله کې ویل شوي، د افغانستان د اوسني اقتصادي ناورین مسووله امریکا ده او دغه هېواد باید د افغانانو کنګل کړې شتمني ورپرېږدي.

دغه نشریې ته د سپټمبر د یوولسمې پېښې د قربانیانو کورنیو ویلي چې دوی د بېوزله افغانانو شتمني نه غواړي او امریکايي حکومت یې باید ژر تر ژره آزاده کړي.

دوی همدارز ویلي، چې دا شتمني باید میاشتې وړاندې د افغانانو د ژغورلو لپاره آزاده شوې وی.

په مقاله کې هم ویل شوي، چې د شتمنۍ د کنګل دوام به د نړۍ او افغانستان لپاره معکوسې پایلې ولري چې مسوولیت به یې پر امریکا وي.

جمهورخبري آژانس:کابل