سیمه ییز امنیتي چارواکي وايي، کندهار ولایت کې د هاوان د یوې مرمۍ د چاودنې له امله څلور ماشومان وژل شوي دي.

د جمهور آژانس د خبر له مخې پېښه پرون جمعه د کب ۲۷ مه له غرمې مخکې د کندهار ولایت په شاه ولي کوټ ولسوالۍ کې رامنځ ته شوې ده.

د کندهار امنیه قوماندانۍ په یوه خبرپاڼه کې ویلي، ماشومانو د هاوان په مرمۍ لوبې کولې، چې پرې چاودنې او څلور ماشومان یې وژلي دي.
سرچینې په دې اړه نور معلومات نه دي ورکړي.

جمهورخبري آژانس:کابل