د امریکا د استازو جرګې جمهوري پلوه غړو د کابل د شپږ میاشتني سقوط په اړه په یوه اعلامیه کې ویلي، چې ولسمشر جوبایډن په نړۍ کې د امریکا حیثیت داغداره کړ.
د جمهور آژانس د خبر له مخې دغه استازو دوشنبې د سلواغې ۲۵ مه په یوه خبرپاڼه کې پر بایډن سختې نیوکې کړې او د کابل سقوط یې یوه سیستماتیکه ماتې بللې ده.
امریکايي جمهوري پلوه استازو ټینګار کړي، چې دغه سقوط د دې لامل شو، چې امریکا په نړۍ کې خپل اعتبار له لاسه ورکړي او حیثیت یې د تل لپاره داغي شي.
اعلامیه کې ویل شوي، د کابل د سقوط د نېږدې عواقبو له سنجونې د بایډن انکار د دې سبب شو چې د امریکا متحدین غوسه شي او ځینو یې به ښکاره امریکا وګواښله.
دی ویلي، چې په دغه شپږو میاشتو کې د امریکا کمزورتیا په نړیوال کچه زموږ دښمنان زړه ور کړي دي.
دوی همداره ویلي، چې د کابل د سقوط د شپږ میاشتو په تېرېدو سره هم د بایډن ادارې یوه دولتي چارواکي هم د خپلو ناکامیو په اړه ځواب نه دی ویلي.
دغه امریکايي استازو ټینګار کړي، چې ملطقآ د امریکا د خونړي شاتګ او ګډوډۍ مسوولیت د لوړ پوړو دولتي چارواکو پر غاړه دی.
د یادونې ده، چې د امریکا د استازو جرګې د بهرنیو اړیکو کمېټې رییس مایکل مک کال هم د دغه خبرپاڼې له لیکوالانو څخه دی.
په دغه اعلامیه کې ویل شوي، مک کال دا مهال د بایډن د دولت د ماتې او تخلیې بهیر په اړه د رپوټ چمتو کولو په لټه کې دی او قصد لري، چې په راتلونکې میاشت کې یې خپور کړي.
د یادونې ده، چې د امریکايي ځواکونو په وتلو سره د روان کال د زمري میاشتې پر ۱۵ مه نېټه کابل د طالبانو لاس ته ولوېده.
جمهورخبري آژانس:کابل
