د افغانستان لپاره د ملګرو ملتونو د همغږۍ دفتر یا یوناما مشرې دیبورا لاینز د افغانستان لپاره د قزاقستان د ولسمشر له ځانګړي استازي ارژن کازیخانوف سره لیدلي دي.

د جمهور آژانس د خبر له مخې د مېرمن لاینز او کازیخانوف لیدنه پرون یکشنبې د تلې ۲۵ مه کابل کې شوې او دواړو لورو د افغانستان په روان وضعیت خبرې کړې دي.

په دغه لیدنه کې د افغانستان سره په بشري او اقتصادي مرستو هم خبرې شوې او ټینګار شوي، چې په افغانستان کې باید د بشري ناورین د رامنځ ته کېدو مخینوی وشي.

د ملګرو ملتونو استازې مېرمن لاینز له قزاقستان څخه مننه کړې، چې دوی ته یې په آلماتا کې په موقت ډول دفتر ورکړی دی.

جمهورخبري آژانس:کابل