افغان ولسمشر محمد اشرف غني د یوه لوړ پوړي پلاوي په مشرۍ د ایران په رسمي بلنه دغه هېواد ته ولاړ.
د جمهور آژانس د خبر له مخې ولسمشر غني او ورسره پلاوی نن پنشنبې د زمري ۱۴ مه ایران ته تللی او هلته به د دغه هېواد د نوي ولسمشر ابراهیم رییسي د لوړې په مراسمو کې هم ګډون وکړي.
ارګ په یوه خبرپاڼه کې ویلي، له ښاغلي غني سره په دغه سفر کې د هغه دویم مرستیال سروردانش، د بهرنیو چارو وزیر محمد حنیف اتمر، د ولسمشرۍ د عالي مقام د دفتر عمومي رییس متین بیک ملتیا کوي.
خبرپاڼه زیاتوي، چې ښاغلی غني به له خپل ايراني سيال ابراهيم رئيسي سره د ليدنې ترڅنګ د دغه هېواد د پارلمان له مشر او نورو چارواکو سره ليدنې وکړي.
سرچینه وايي، ولسمشر غني به په دې سفر کې له براهیم رئیسي سره د دواړو هېوادونو ترمنځ د اړیکو لا زیاتې پراختیا او همکاریو په اړه هم خبرې وکړي.
جمهورخبري آژانس:کابل
