سیمه ییز چارواکي تاییدوي، چې غزني ولایت کې د دوه پوځیانو په ګډون ۸ ملکي وګړو ته په یوه چاودنه کې مرګ ژوبله اوښتې ده.
د
جمهور خبري آژانس د خبر له مخې چاودنه پرون یکشنبې د کب ۱۰ مه د غزني ښار د لومړۍ امنیتي حوزې اړوند کلا سبز سیمه کې رامنځ ته شوې ده.
د غزني د والي ویاند واحدالله جمعه زاده وايي، په دغه ماین چاودنه کې یو ملکي وګړی وژل شوی او د دوه پوځیانو په ګډون ۷ ملکي وګړي ټپیان شوي دي.
ټپیان د غزني ملکي روغتون ته وړل شوي او روغتیايي حالت یې ښه دی.
د غزني د والي ویاند وايي، د چاودنې له امله د شاوخوا کورونو او دوکانونو ښيښې هم ماتې شوې او خلکو ته یې مالي زیانونه اړولي دي.
تر اوسه د دغه چاودنې مسوولیت چا نه دی اخیستی.
جمهورخبري آژانس:غزني