سیمه ییز امنیتي چارواکي تاییدوي، چې د هرات ولایت د غوریان ولسوالۍ سرپرست امنیه قوماندان د طالبانو سره په نښته کې وژل شوی دی.
د
جمهور خبري آژانس د خبر له مخې د هرات د پولیسو ویاند عبدالحد ولي زاده وايي، د غوریان ولسوالۍ سرپرست امنیه قوماندان نقیب الله سلطان زوی وړمه شپه په همدې ولسوالۍ کې وژل شوی دی.
د ده په وینا امنیه قوماندان سره یو ځای په دې نښته کې درې نور پولیس هم وژل شوي او دغه راز پنځه طالبان هم وژل شوي او ۷ نور ټپیان شوي دي.
خو په ورته وخت ځینې امنیتي سرچینې وايي، په دې نښته کې د امنیه قوماندان په ګډون شپږ پولیس وژل شوي دی.
طالبانو تر اوسه په دې اړه څه نه دي ویلي.
جمهورخبري آژانس:هرات