ولسمشر محمد اشرف غني د یوه لوړ پوړي پلاوي په مشرۍ د ننګرهار ولایت مرکز جلال آباد ښار ته ورسېده.
د
جمهور خبري آژانس د خبر له مخې ښاغلي غني او ورسره پلاوی نن پنشنبې د مرغومي ۱۸ مه ننګرهار ولایت ته ولاړ.
له ښاغلي غني سره په دغه سفر کې د هغه لومړی مرستیال امرالله صالح هم ملګری دی او د سفر موخه یې د ننګرهار عمومي وضعیت جاجول شي.
د ارګ خبرپاڼه وايي، ولسمشر به د دغه سفر په ترڅ کې د ننګرهار د چارواکو تر څنګ، له قومي مخورو، دیني عالمانو، استازو او نورو خلکو سره وګوري.
باید و ویل شي، چې ولسمشر غني څو ورځې وړاندې کندهار ولایت ته هم تللی و او د دغه ولایت عمومي وضعیت یې له نېږدې وارزاوه.
جمهورخبري آژانس:کابل