ارګ وايي، د ولسمشر غني د حکم په اساس فاطمه مورچل د جمهوري ریاست عالي مقام د ویاند مرستیاله وټاکل شوه.
 

مېرمن فاطمه مورچل د عامه او ستراتیژیکو اړیکو ادارې په وړاندیز او د افغانستان اسلامي جمهوریت جمهوررئیس د ۲۴۹۱ حکم په اساس، په فوق رتبه بست کې ګومارل شوې ده.
 

همداراز د عامه او ستراتیژیکو اړیکو ادارې په وړاندیز او د هیواد د جمهوررئیس په منظورۍ، محمد حیدري په لومړي بست کې د یادې ادارې د دفتر ریاست د عامه اړیکو چارو د متخصص په توګه ټاکل شوی دی.
 

د یادولو ده چې مېرمن فاطمه مورچل د امریکا متحدو ایالتونو د کلیفورنیا چپمن (Chapman) پوهنتون څخه په حقوقو کې ماسټري او محمد حیدري په نړیوالو اړیکو کې ماسټري لري.

جمهورخبري آژانس:کابل