۰
فوزیه کوفي:

بین الافغاني خبرې له خنډ سره نه دي مخ شوې، جدي پړاو ته داخلې شوې دي

دوشنبه ۱۰ قوس ۱۳۹۹ ساعت ۰۸:۵۹
د افغان دولت د مرکچي پلاوي غړې فوزیه کوفي وايي، دوحه کې بین الافغانی خبرې له خنډ سره نه دي مخ شوې، بلکې یوه نوي پړاو ته ننوتې دي.
بین الافغاني خبرې له خنډ سره نه دي مخ شوې، جدي پړاو ته داخلې شوې دي
د افغان دولت د مرکچي پلاوي غړې فوزیه کوفي وايي، دوحه کې بین الافغانی خبرې له خنډ سره نه دي مخ شوې، بلکې یوه نوي پړاو ته ننوتې دي.

د جمهور خبري آژانس د خبر له مخې مېرمن کوفي وايي، هغه خبرې چې د سپپټمبر له ۱۲ مې روانې دي، نن سبا یوه نوي او جدي پړاو ته داخلې شوې دي.

نوموړې ویلي، هیله لري، چې ډېر ژر د اجنډا او هغو مسایلو په اړه چې د افغانانو د اصلي اندېښنو سبب دي، له طالبانو سره خبرو ته کېنو.

مېرمن کوفي دغه څرګندونې پر داسې مهال کوي، چې طالبانو هم وړمه ورځ خبر ورکړی، چې دوحه کې دواړه لوري د کړنلارې د مقدمې په ګډون پر ۲۱ مادو موافقه شوې او د دې کړنلارې یوه نسخه کوربه هېواد قطر ته هم سپارل شوې ده.

خو د سولې په چارو کې د افغان دولت وزارت هم تاییدوي، چې په اصولو کې په ۲۱ مادو موافقه شوې، خو د مقدمې متن ستونزې لري، چې نور بحث او وضاحت ته اړتیا لري.

دا په داسې حال کې ده، چې په دې وروستیو کې د سولې خبرو د بیا تودېدو سره ولسمشر غني په کور د ننه هم له ځینو سیاسیونو سره سلا مشورې پیل کړې دي.

ښاغلي غني وړمه ورځ د پخواني ولسمشر حامد کرزي، د ملي روغې جوړې عالي شورا ریس ډاکتر عبدالله او جهادي مشر استاد عبدالرب الرسول سیاف سره هم لیدلي او د سولې په اړه یې ورسره خبرې کړې دي.
 
جمهورخبري آژانس:کابل
 
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي