د کابل پولیس تاییدوي، چې ښار کې د یوې چاودنې له امله د پوځ دوه سرتېري ټپیان شوي دي.
د
جمهور خبري آژانس د خبر له مخې دغه چاودنه نن چهارشنبې د تلې ۹ مه د کابل ښار د ۱۱ مې امنیتي حوزې اړوند جمهوریت څلور لاري کې رامنځ ته شوې ده.
د کابل د پولیسو ویاند فردوس فرامرز وایي، چاودنه په یوه فورډ پوځي موټر پسې د مقناطسي ماین له امله رامنځ ته شوې ده.
د هغه په وینا په دې چاودنه کې دوه پوځیان ټپیان شوي دي، خو د پېښې په اړه یې نور جزیات ورنه کړل.
تر اوسه د دغه چاودنې مسوولیت چا نه دی اخیستی.
د یادونې ده، چې په کابل کې په دې وروسیتو کې د مقناطسي او سړک د غاړې ماین چاودنې زیاتې شوې دي.
جمهورخبري آژانس:کابل