امریکا نږدې راتلونکې کې ۳ زره عسکر له افغانستان وباسي

ټاکل شوې امریکا متحده ایالت په نېږدې راتلونکې کې خپل ۳ زره نور سرتېري هم له افغانستان څخه وباسي.

د جمهور خبري آژانس د خبر له مخې دا خبره د امریکا دفاع وزیر مارک اسپېر په یوه تازه مرکه کې کړې او ویلي یې دي، امریکا له افغانستان څخه د سرتېرو ایستلو ته ژمنه ده.

مارک اسپېر وايي، ډېر ژر به ۳۰۰۰ امریکايي سرتېري له افغانستان څخه وایستل شي.

د هغه په وینا دغه د امریکا تر ولسمشریزو ټاکنو مخکې (تر نومبر میاشتې پورې به) په افغانستان کې د امریکايي سرتېرو شمېر تر پنځو زرو کم وي.

د یادونې ده، چې امریکا دمګرۍ په افغانستان کې ۸۶۰۰ سرتېري لري، چې ټرمپ یې د کمولو ژمنه کړې ده.

دغه ژمنه په قطر کې د امریکا او طالبانو تر تړون وروسته د ټرمپ له خوا وشوه.

جمهورخبري آژانس:کابل