د افغان حکومت د کابینې د پرېکړې سره سم به ټول ښوونځي او پوهنتونونه د راتلونکې زمري یا اسد میاشتې له ۱۵ مې په مشروط ډول پرانستل شي.
د
جمهور خبري آژانس د خبر له مخې کابینې پرون چهارشنبې د چنګاښ ۲۵ مه وروسته له هغې کړې، چې د لوړو زده کړو او پوهنې وزارتونو له کرونا سره د مبارزې عالي کمېټې ته د تعلیمي مرکزونو د پرانیستل کېدو په اړه وړاندیز ولېږه.
د کابینې له پرېکړې سره سم به ښوونځي او پوهنتونونه ۲۰ ورځې وروسته پرانیستل کېږي خو تعلیمي مرکزونه به مکلف وي چې د کرونا وایرس د خپرېدو د مخنیوي لپاره هغه معیارونه او سپارښتنې رعایت کړي چې د عامې روغتیا وزارت وړاندیز کړي دي.
کابینې همداراز ویلي، ښوونځي او پوهنتونونه به یوازې هغه مهال د اسد په ۱۵ پرانیستل کېږي چې د کرونا وایرس په خپرېدا کې زیاتوالی را نه شي.
دا پرېکړه پر داسې مهال کېږي، چې د عامې روغتیا وزارت د معلوماتو له مخې دا مهال په هېواد کې د کرونا ویروس ګراف مخ په ښکته کېدو دی.
جمهورخبري آژانس:کابل