د افغانستان لپاره د روسیې ځانګړی استازی ضمیرکابلوف وايي، مسکو، واشنګټن، بېجنګ او اسلام آباد د افغانستان په اړه سلا مشورې کړې دي.
د
جمهور خبري آژانس د خبر له مخې کابلوف ویلي، دغه سلا مشورې پرون چهارشنبې د غبرګولي ۱۴ مه د ویډیويي کنفرانس له لارې شوې دي.
دی وايي، په دغه کنفرانس کې څلور واړه هېوادونو موافقه وکړه، چې د افغان حکومت او طالبانو تر منځ د بندیانو د تبادلې او بین الاافغاني خبرو د پیل لپاره به تر وسه هڅه کوي.
هغه ویلي«د دغو خبرو اصلي پایله دا وه چې ټول په ګډه هڅه وکړ، چې د کابل او طالبانو ترمنځ د جګړې اسیران تبادله شي او د افغانانو ترمنځ خبرې پیل شي.»
ضمیر کابلوف ویلي، که څه هم د بندیانو د تبادلۍ لړۍ روانه ده، خو په وینا یې دغه لړۍ ورو ده او پکار دغه چې دواړه لوري چټک ګامونه پورته کړي.
د یادونې ده په دغه کنفرانس کې د چین، روسیې، امریکا ځانګړو استازو او د پاکستان د بهرنیو چارو وزارت لومړي مرستیال ګډون کړی وو.
جمهورخبري آژانس:کابل