چارواکي: زابل کې ۱۸ وسله وال طالبان وژل شوي

سیمه ییز امنیتي چارواکي زابل ولایت کې  د افغان ځواکونو په هوایي بریدونو کې د ۱۸ وسله والو  طالبانو د وژل کېدو  خبر ورکړی دی.

د جمهور خبري آژانس د خبر له مخې امنیتي چارواکي زیاتوي، پر طالبانو وروسته له هغې  هوایي برید وشو، چې  د افغان ځواکونو په  اکمالاتي کاروان یې برید وکړ.

د زابل د پولیسو ویاند لعل محمد امیري وايي، طالبانو پرون چهارشنبې د غبرګولي ۷ مه د زابل د شاه جوی ولسوالۍ د جعفر او  قیوم کلا په سیمو کې  د افغان ځواکونو پر اکمالاتي کاروان برید وکړ.

دی زیاتوي، چې د طالبانو له برید سره سم د نظامي شورا د پرېکړې  سره سم ګډو ځواکونو د هوايي ځواک په  ملتیا پر طالبانو بریدونه وکړل.

دی وايي،  په دغه بریدونو کې ۱۸ وسله وال طالبان وژل شوي او دوه ماشومان ټپیان شوي دي.

د زابل د پولیسو ویاند د افغان ځواکونو د زیان په اړه څه ونه ویل.

خو طالب ویاند ذبیح الله مجاهد وايي، زابل کې  حکومتي ځواکونو د څلور ماشومانو په ګډون شپږ تنه ملکیانو ته مرګ ژوبله اړولې  ده.

د د اختر تر درې وروځني اوربند وروسته لومړی ځل دی، چې افغان ځواکونه او وسله وال طالبان په جګړه سره کېوزي.

جمهورخبري آژانس:زابل