سیمه ییز چارواکي وایي، ننګرهار ولایت کې د یوه کور د دېوال د نړېدو له امله د ماشومانو په ګډون د یوې کورنۍ ۸ تنو ته مرګ ژوبله اوښتې ده.
د
جمهور خبري آژانس د خبر له مخې دغه پېښه پرون یکشنبې د کب ۲۵ مه ماښام د ننګرهار د کوټ ولسوالۍ په لاغر جوی سیمه کې رامنځ ته شوې ده.
د چارواکو په خبره په دغه پېښه کې د یادې کورنۍ څلور ماشومان او یوه مېرمن وژل شوې او درې تنه نور ټپیان شوي دي.
د پېښې ټپيان روغتون ته لېږدول شوي دي او روغتیايي وضعیت یې د اندېښنې وړ ښودل شوی دی.
جمهورخبري آژانس:کابل