سیمه ییز چارواکي وایي، کاپیسا ولایت کې د افغان ځواکونو په عملیاتو کې د داعش ۱۲ غړي وژل شوي، چې دوه په کې ښځې دي.
د
جمهور خبري آژانس د خبر له مخې د کاپيسا د امنیه قوماندانۍ ویاند عبدالشایق شورش زیاتوي، چې دغه عملیات د ملي امنیت ځواکونو له خوا د کاپیسا د نجراب ولسوالۍ په مربوطاتو کې شوي.
نوموړي زیاته کړه، دغه عملیات چې تېره شپه ناوخته پیل شوي و په کې ۱۲ داعشیان وژل شوي، چې دوه په کې ښځې دي.
د هغه په وینا په عملیاتو کې درې نور وسله وال هم ټپيان شوي او شپږ تنه یې نیول شوي دي.
جمهورخبري آژانس:کاپیسا