ټاکنو کمېسیون د بیا رای شمېرنې او تفتیش پروسې د پای ته رسېدو اعلان وکړ

د جمهور خبري آژانس د خبر له مخې یاد کمېسیون نن دوشنبې د سلواغې ۲۸ مه له غرمې وروسته خپره کړې خبرپاڼه کې ویل، چې په بدخشان، تخار، سرپل، فاریاب، غزني، ننګرهار، هلمند، کندهار او کابل کې د شکایتونو د کمېسیون او انتخاباتي ټکټونو د ناظرینو پر وړاندې د بیا رای شمېرنې او ځانګړي تفتیش پروسه سر ته رسېدلې ده.

کمېسیون ویلي، چې د نورو پاتې ولایتونو د فورمو له رسېدو او مرکزي سیتسم سره تر تطبیق وروسته به د ولسمشرۍ ټاکنو پایلې اعلان کړي.

جمهورخبري آژانس:کابل