۰

ولسمشرغني د عربي اماراتو له بهرنیو چارو وزیر سره کتلي

دوشنبه ۲۱ دلو ۱۳۹۸ ساعت ۱۰:۳۹
ولسمشر محمد اشرف غني د متحده عربي اماراتو د بهرنیو چارو او نړیوالو همکاریو له وزیر شيخ عبدالله بن زايد ال نهيان سره لیدلي او پر یو لړ موضوعاتو یې ورسره خبرې کړې دي.
ولسمشرغني د عربي اماراتو له بهرنیو چارو وزیر سره کتلي
ولسمشر محمد اشرف غني د متحده عربي اماراتو د بهرنیو چارو او نړیوالو همکاریو له وزیر شيخ عبدالله بن زايد ال نهيان سره لیدلي او پر یو لړ موضوعاتو یې ورسره خبرې کړې دي.

د جمهور خبري آژانس د خبر له مخې د ارګ خبرپاڼه وايي، دغه لیدنه د ښاري نړیوالې مجمع په څنډه کې په ابوظبۍ ښار کې شوې ده.

خبرپاڼه زیاتوي، چې په دغه لیدنه کې دواړو لورو د ستراتېژيکو اړيکو او همداراز د افغانستان او متحده عربي اماراتو ترمنځ د سوداګريزو او اقتصادي مناسباتو پر پراختيا او سيمه ييزو مسايلو بحث کړی دی.
 
په ورته وخت کې ویل کېږي ولسمشر غني پرون مازیګر د ملګرو ملتونو سازمان د سرمنشي مرستيالې او د يو اېن هبيتات موسسې اجرايوي رئيسې ميمونې محمد شريف هم په متحده عربي اماراتو كې لیدلي دي.

نوموړې ژمنه کړې، چې په افغانستان کې به د دې ادارې فعاليتونه د ښاري پراختيا د لومړيتوبونو پر بنسټ تنظيم شي او دوى به په ياده برخه کې پر يوې طرحې کار وکړي او هغه به له افغان حکومت سره شريکه کړي.

جمهورخبري آژانس:کابل
 
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي