ولسمشر غني د هواد د ککړتیا د مخینوي په خاطر دوه جلا جلا حکمونه صادر کړي دي.
د
جمهور خبري آژانس د خبر له مخې د ولسمشر په یوه حکم کې د مرکز ګرمۍ سیستم لرونکو کورونو، ښار ګوټو او دولتي ادارو کې د لوګي د تصفیه کوونکو الو د نصب او ګرمولو امر شوی او بل کې یې د انرژۍ د تولید په خاطر د ټایرونو، ربړ، او پلاستیک د نه سوځولو حکم کړی دی.
د ارګ خبرپاڼه وايي، د دغه حکمونو پر بنسټ د مرکز ګرمۍ سیستم لرونکې دولتي ادارې، د لوړپوړ ودانیو او ښارګوټو مالکان او متصرفین مکلف شوي، تر څو د لوګي تصفیه کوونکې الې (معیاري فلتر)، په خپلو اړوندو تاسیساتو کې نصب کړي.
دغه راز ولسمشر د چاپېریال ساتنې ملي اداره موظفه کړه، تر څو د کورنیو چارو وزارت، اړوندو ښاروالیو او اړوندو ادارو په همکارۍ د لوړپوړ ودانیو او ښارګوټو مالکانو نه د لوګي د فلترونو نصبولو لیکلی تعهد واخلي او د یادې الې د نصب او فعالیت دوامداره څارنه وکړي.
ولسمشر غني امر کړی چې همداراز دې اړوند ادارې سرغړونکي د هیواد د نافذه قوانینو د احکامو په مراعتولو سره تر عدلي تعقیب لاندې ونیسي.
ولسمشر همدا راز د تسخین (ګرمولو) او انرژۍ د تولید په خاطر د ټاېرونو، ربړ او پلاستیک د نه سوځولو په اړه په حکم کې د چاپېریال ساتنې ملي اداره مکلفه کړه چې د کورنیو چارو وزارت او اړوندو ښاروالیو په همکارۍ دې د دغې چارې مخه ونیسۍ او د سرغړوونکو لپاره دې جریمې وضع کړي.
جمهورخبري آژانس:کابل