د کورنیو چارو وزارت تاییدوي، چې نامعلومه وسله والو کسانو پلازمېنه کابل ښار کې دوه کسان چې پلار او زوی دي، وژلي دي.
د
جمهور خبري آژانس د خبر له مخې پېښه پرون سه شنبې د لیندۍ ۱۹ مه د کابل ښار د شپږمې امنیتي حوزې اړوند د کارته سه په سیمه کې له غرمې وروسته رامنځ ته شوې ده.
کورنیو چارو وزارت وايي، نامعلومه وسله والو کسانو د شپږمې امنیتي حوزې اړوند اتم سړک په سیمه کې د دل آغا په نوم د همدې سیمې د یوه وکیل په موټر باندې ډزې کړې دي.
وزارت وايي، په دغه برید کې وکیل دل آغا او د هغه زوی وژل شوي او د پېښې په اړه څېړنې دوام لري.
تر اوسه د دغه برید مسوولیت چا نه دی اخیستی.
جمهورخبري آژانس:کابل