د ناټو سرمنشي ینس سټولټنبرګ د حقاني شبکې له درې مهمو غړو سره د افغان – امریکایي پوهنتون د دوه استادانو د تبادلې هرکلی کړی او په دې اړه یې د ولسمشر غني پرېکړه ستایلې ده.
د
جمهور خبري آژانس د خبر له مخې ښاغلي سټولټنبرګ پرون چهارشنبې د نومبر ۲۰ مه د ناټو د بهرنیو چارو وزارت تر غونډې مخکې خبریالانو سره خبرو کې ویلي، چې د افغانستان د ولسمشر محمد اشرف غني پرېکړه زړوره وه.
د ناټو سرمشني ینس سټولټنبرګ زیاته کړې، هیله لري چې دا پرمختګ به د افغانستان د سولې د خبرو له بیا پیل سره مرسته وکړي.
نوموړي ویلي«داسې اقدام اعتماد جوړوي، هیله ده چې موږ به د سولې د مذاکرو بیا پېل ته نږدي کړي او په دې ډول به دافغانستان د بحران د حل لپاره د یوه سیاسي جوړجاړي زمینه برابره کړي.»
ښاغلي
نوموړي ویلي«داسې اقدام اعتماد جوړوي، هیله ده چې موږ به د سولې د مذاکرو بیا پېل ته نږدي کړي او په دې ډول به دافغانستان د بحران د حل لپاره د یوه سیاسي جوړجاړي زمینه برابره کړي.»
سټولټنبرګ ټینګار کړی، چې ناټو، افغانستان ته متعهده پاتې کېږې او د افغانستان د امنیتي ځواکونو روزنې او تجهیز ته به ادامه ورکړي.
په ورته وخت کې سپینې ماڼۍ هم په یوه ځانګړي پیغام کې د افغانستان له حکومته مننه کړې چې د همکارۍ او شراکت لپاره یې د برمته شوو استادانو په خوشې کولو کې هڅې کړې دي.
د سپینۍ ماڼۍ په پيغام کې چې پر ټوېټر خپور شوی لیکل شوي چې ولسمشر اشرف غني د سولې لپاره متعدد زړور ګامونه اخیستي دي.
د یادونې ده، چې ولسمشر اشرف غني تېره اونۍ اعلان وکړ چې د حقاني شبکې درې غړي په مشروط ډول د افغانستان امریکايي پوهنتون له دوو استادانو سره تبادله کوي.
باید و ویل شي، چې انس حقاني، حاجي مالي خان او حافظ عبدالرشید د لړم په ۲۸ مه د بګرام زندان څخه خلاص او په قطر کې د طالبانو سیاسي دفتر ته وسپارل شول.
دغه راز امریکایي استادان بیا یوه ورځ وروسته د زابل په نوبهار ولسوالۍ کې ډېورنډ فرضي کرښې ته څېرمه امریکايي لوري ته وسپارل شول.
طالبانو هم له دغه تبادلې هرکلی کړی او ویلي یې دي، چې د بندیانو خوشي کول د باور رامنځ ته کولو لپاره مهم ګام و او د سولې پروسې له ګړندي کولو سره مرسته کولی شي.
جمهورخبري آژانس:کابل