ولسمشر محمد اشرف غني د یوه پلاوی په مشرۍ د ننګرهار ولایت مرکز جلال آباد ښار ته رسېدلی دی.
د
جمهور خبري آژانس د خبر له مخې ولسمشر او وروسره پلاوی نن سه شنبې د لړم ۲۹ مه جلال آباد ته ولاړ.
ولسمشر ماڼې هم یوازې د ولسمشر د سفر پخلی کړی، خو په دې اړه چې د سفر هدف یې څه دی جزیات نه دي ورکړي.
خو په ورته وخت کې ځینې سرچینې وايي، ننګرهار ته د ولسمشر موخه د داعش د بشپړې ماتې اعلان او دغه راز د خیتځ زون له امنیتي چارواکو سره د امنیت په اړه خبرې اترې دي.
ولسمشر پر داسې مهال ننګرهار ولایت ته سفر کوي، چې په دې وروستیو کې په دغه ولایت کې د داعش پر ضد د افغان ځواکونو عملیات پیل شوي او ښې لاس ته راوړنې هم لري.
د ننګرهار د چارواکو په وینا یوازې په تېرو دوه اونیو کې کابو ۷ سوه داعشیان له ماشومانو او ښځو سره یو ځای افغان ځواکونو ته تسلیم شوي، چې ډېری یې پاکستانیان دي.
جمهورخبري آژانس:ننګرهار