د امریکا د بهرنیو چارو وزیر مایک پمپیو ویلي د ولسمشر ډونالډ ټرمپ د استیضاح په برخه کې له کانګریس سره همکارۍ ته چمتو دي.
د جمهور آژانس د خبر له مخې پمپیو وايي، دوی تیار دي، چې د ټرمپ به استیضاح کې همکاري وکړي، خو زیاتوي، دا یو سیاسي اقدام دی.
پمپیو دا څرګندونې پر داسې مهال کوي، چې د امریکا کانګرس هڅې پیل کړې، ټرمپ د ولسمشرۍ ټاکنو په تړاو استیضاح کړي.
کانګرس د ټرمپ پر ضد کره سندونه ټول کړي او هغه یې د ځينو تلیفوني مکالمو په خاطر غواړي استیضاح کړي.
کانګرس سپینې ماڼۍ او د بهرنیو چارو وزارت ته رسمي غوښتنلیکونه لېږلي دي او له دوی یې غوښتي چې ژر تر ژره په دې برخه کې همکاري ورسره وکړي.
مایک پمپیو وایي دوی د قانون په چوکاټ کې دې ته تیار دي چې له کانګرس سره په دې تړاو همکاري وکړي.
ټرمپ د کانګرس دې کار ته په غبرګون کې د امریکا داسې ولسمشر دی چې دغه هېواد ته یې ګټې راوړې دي او د اړیکو او سیاسي معاملو تر څټ یې خیانت نشته دی.
جمهورخبري آژانس:کابل