د برېتانیا د بهرنیو چارو وزارت وايي، هېواد یې له افغانستان سره د سولې، پرمختګ او بشري مرستو په برخه کې همکاري کوي.
د
جمهور خبري آژانس د خبر له مخې د برېتانیا د بهرنیو چارو وزارت په یوه اعلامیه کې ویلي، چې په همدې تړاو دوی د افغانستان له ملاتړ هېوادونو سره غونډه درلوده.
سرچینه وایي، په دغه غونده کې برېتانوي چارواکو د افغانستان له هغو ګڼو نړیوالو ملاتړو سره خبرې کړې، چې افغانستان کې په بېلا بېلو برخو او پروژو کې همکاري کوي.
په اعلامیه کې راغلي، په غونده کې د افغانستان پر اوسني سیاسي او امنیت وضعیت خبرې شوې او په دغه هېواد کې روان تاوتریخوالی د اندېښنې وړ وبلل شو.
اعلامیه کې ټينګار شوی، چې ټول ملاتړي هېوادونه باید د بشري مرستو، سولې، ټاکنو او پرمختګ په برخه کې له افغانستان سره خپله همکاري ډېره کړي.
سرچینه وايي، ملاتړو هېوادونو هم ژمنه کړې چې دوی به په افغانستان کې د ښې راتلونکې لپاره هېڅ راز هڅې نه سپموي.
جمهورخبري آژانس:کابل