۰

ولسمشر غني په يو رسمي سفر سعودي عربستان ته ولاړ

شنبی ۲ سنبله ۱۳۹۸ ساعت ۱۵:۲۰
افغان ولسمشر محمد اشرف غني د یوه لوړ پوړي دولتي پلاوي په مشرۍ په یوه رسمي سفر سعودي عربستان ته روان شوی دی.
ولسمشر غني په يو رسمي سفر سعودي عربستان ته ولاړ
افغان ولسمشر محمد اشرف غني د یوه لوړ پوړي دولتي پلاوي په مشرۍ په یوه رسمي سفر سعودي عربستان ته روان شوی دی.

د جمهور خبري آژانس د خبر له مخې ارګ وايي، ولسمشر او ورسره پلاوی نن شنبې د وږي ۲ مه وروسته له ماسپښین څخه د سعودي په لور وخوځېده.

د ارګ په معلوماتو کې ویل شوي، چې ولسمشر او ورسره پلاوی به د دغه سفر په لړ کې مکې معظمې ته لاړ شي او د عمرې مراسم به پرځای کړي.

دغه راز ارګ زیاته کړې، چې ولسمشر به د دې سفر په ترڅ کې د الحرمین الشریفین له خادم اعلیحضرت ملک سلمان بن عبدالعزیز او د دغه هېواد له یو شمېر نورو چارواکو سره جلا جلا کتنې ولري.

باید و ویل شي، چې دا سعودي عربستان ته د ولسمشر غني درېیم سفر دی، چې تر سره کوي یې.

ښاغلی غني واک له رسېدو سره سم سعودي عربستان ته سفر وکړ او د افغانستان د سولې او جګړې د پای ته رسېدو په برخه کې یې د دغه اسلامي هېواد د همکاریو او مرستو غوښتنه وکړه.

د ولسمشر له دې سره وروسته کال وړاندې سعودي عربستان کې د افغانستان د جګړې د پای ته رسېدو او سولې په اړه یوه د اسلامي علماوو له خوا جده کې یوه غونډه وشوه، چې د افغانستان روانه جګړه یې ناروا وبلله او له طالبانو یې وغوښتل، چې سولې ته غاړه کېږدي.

جمهورخبري آژانس:کابل
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي