جرمني ۶ کالونو کې ۷۷۰ افغان همکارانو ته پناه ورکړې
سی شنبه ۲۲ اسد ۱۳۹۸ ساعت ۱۵:۰۳
د جرمني د دفاع وزارت وايي، وروستیو ۶ کلونو کې یې هغو ۷۷۰ افغان همکارانو ته په المان کې د اوسېدو اجازه ورکړې ده چې د دوی له ځواکونو سره یې په افغانستان کې کار کړی دی.
د جمهور خبري آژانس د خبر له مخې جرمني ویلي، دغو افغان همکارانو سره یې د کورنیو شاوخوا ۲۵۰۰ نورو غړو ته هم المان کې د اوسېدو اجازه ورکړې ده چې په افغانستان کې له خطر او امنیتي ګواښونو سره لاس و ګرېوان وو.
سرچینې زیاته کړې، هغه کسانو چې په افغانستان کې يې د دوی له ځواکونو سره کار کړی دی او اوس خطر احساسوي، نو له الماني ځواکونو سره په افغانستان کې له دندې ختمولو دوه کاله وروسته کولی شي چې المان کې د پناه عریضه ورکړي.
د جرمني ځواکونه له ۲۰۰۱ راهیسې په افغانستان کې مېشت دي چې په ۲۰۱۴ کې یې نظامي ماموریت د ناټو غوڅ ملاتړ ماموریت سره وتړل شو او اوس افغان ځواکونو ته روزنه او مشورې ورکوي.
جمهورخبري آژانس:کابل
د مطلب کود: 119358
