د کابل پولیس تاییدوي، چې د کابل ده سبز ولسوالۍ کې په بهرنیو ځواکونو د سړک د غاړې ماین چاودنه شوې ده.
د
جمهور خبري آژانس د خبر له مخې د کابل د امنیه قوماندانۍ ویاند فردوس فرامرز وایي، چاودنه نن چهارشنبې د زمري دوهمه سهار د ده سبز ولسوالۍ د تره خېلو په تنګي کې شوې ده.
نوموړي زیاته کړې، چې په بهرنیو ځواکونو د سړک د غاړې خښ شوي ماین چاودنه کړې، خو دا چې مرګ ژوبله لري که نه ویلي یې دي، چې په دې اړه به بهرني ځواکونه معلومات ورکړي.
طالبانو د چاودنې مسوولیت په غاړه اخیستی او ویاند یې ذبیح الله مجاهد رسنیو ته په لېږلي پیغام کې ویلي، چې چاودنه یې د امریکا د استخباراتي ادراې په کارکوونکو کړې ده.
نوموړي ادعا کړې، چې په دې چاودنه کې د سي ای اې څو کارکوونکي وژل شوي او دوه لنډکروزر موټر یې ویجاړ شوي دي.
امریکايي ځواکونو تر اوسه په دې اړه څه نه دي ویلي.
جمهورخبري آژانس:کابل