۰

غني له مېرمن ویلز سره ټرمپ ته پر استول شوي لیک خبرې کړې

دوشنبه ۲۳ ثور ۱۳۹۸ ساعت ۱۳:۳۵
افغان ولسمشر محمد اشرف غني د امریکا د بهرنیو چارو وزارت له مرستیالې الیس ویلز سره کتلي او پر یو لړ مسایلو یې ورسره خبرې کړې دي.
غني له مېرمن ویلز سره ټرمپ ته پر استول شوي لیک خبرې کړې
افغان ولسمشر محمد اشرف غني د امریکا د بهرنیو چارو وزارت له مرستیالې الیس ویلز سره کتلي او پر یو لړ مسایلو یې ورسره خبرې کړې دي.

د جمهور خبري آژانس د خبر له مخې مېرمن ویلز پرون یکشنبې د غوايي ۲۲ مه کابل ته راغلې او ارګ کې یې ولسمشر غني ورسره وکتل.

د ارګ نه خپره شوې خبرپاڼه وايي، په دغه لیدنه کې ولسمشر ټرمپ ته د ولسمشر غني له لوري د استول شوي لیک په اړه هم خبرې وشوې.

سرچینه زیاتوي، دواړو خواوو د سولې په روانو مذاکراتو او پر ټاکلي وخت د ولسمشرۍ ټاکنو د ترسره کېدو د ارزښت په اړه بحث وکړ.

په خبرپاڼه کې ویل شوي«په دې کتنه کې دواړو لوریو د ښې حکومتولې او خودکفایي ته د رسېدو په موخه د امریکا ملکي مرستو ته د بیا کتنې په اړه چې په دې وروستیو کې جمهور رئیس غني په یوه لیک کې جمهور رئیس ټرمپ ته وړاندیز کړی و، بحث او خبرې وکړې»

باید و ویل شي، چې د نیویارک ټایمز د راپور په اساس ولسمشر غني څه موده مخکې ښاغلي ټرمپ ته یو لیک استولی و او په کې ویلي یې و، چې افغانستان کې د خپلو سرتېرو شمېر نژدې ۳۰۰۰ ته راښکته کړي او خپل مالي لګښتونو کې هم د کال دوه میلیارد ډالر کموالی راولي.

دا په داسې حال کې ده، د جمعې په ورځ امریکايي چارواکو وویل چې د امریکا او مکسیکو ترمنځ د دېوال د یوې برخې د جوړولو لپاره د امریکا د دفاع وزارت له بودجې یو نیم ملیارد ډالره اخیستل کېږي.

په دې پیسو کې به ۶۰۴ ملیون ډالره له هغو پیسو وګرځول شي چې د امریکا دفاع وزارت د افغان امنیتي او دفاعي ځواکونو لپاره ځانګړي کړي دي.

جمهورخبري آژانس:کابل
 
 
ستاسو نوم

ستاسو دبرېښنا ليک پته
ستاسو نظر *

تر ټولو ډېر لیدل شوي