د سمنګان د ولایتي شورا غړي وایي، وسله والو طالبانو په دغه ولایت کې سل بار وړونکي موټر درلودي او ۶۰ موټر چلوونکي یې برمته کړي دي.
د
جمهور خبري آژانس د خبر له مخې پښه نن پنشنبې د وري ۲۲ مه د سمنګان ولایت په دره صوف ولسوالۍ کې رامنځ ته شوې ده.
د سنمګان د ولایتي شورا غړی وايي، طالبانو د ددره صوف – مزار پر لویه لار تر ۱۰۰ بار وړونکي موټر درولي او نېږدې ۶۰ موټر چلوونکي یې له ځان سره بېولي دي.
د ولایتي شورا غړي محمد هاشم سروري
جمهور خبري آژانس ته و ویل، چې طالبانو یاد موټر چلوونکي د دره صوف ولسوالۍ د ریګ کوتل د بابوغه په کلي کې برمته کړي دي.
نوموړي ویلي د دغه لارې د باروړنکو موټر چلوونکو وړاندې له طالبانو سره هوکړه کړې وه، چې د موټر پر سر به ۷ زره افغانۍ دوی ته باج ورکوي.
هغه زیاته کړه«ویل کېږي یو شمېر ډرېورانو له دغه هوکړې سرغړونه کړې او دغه راز طالبان هم غواړي د پیسو کچه زیاته کړي نو ځکه یې موټر چلوونکي نیولي دي.»
د ولایتي شورا دغه غړی وایي، تر اوسه د نیول شویو موټر چلوونکو برخلیک نه دی معلوم او ځايي اداره یې هم یوازې ننداره کوي.
ویل کېږي برمته شوي موټر چلوونکي هغه کسان دی، چې د دره صوف کان د ډبرو سکاره له هغه ځایه کابل او نورو ولایتونو ته وړي.
طالبانو تر اوسه په دې اړه څه نه دي ویلي.
جمهورخبري آژانس:سمنګان