کمانډو ځواکونو هلمند کې د طالبانو پر یوه زندان چاپه وهلې

راپورونه وايي، افغان کمانډو ځواکونو هلمند ولایت کې د وسله والو طالبانو پر یوه زندان چاپه وهلې او ۱۱ برمته شوي کسان یې ترې راخوشي کړي دي.

د جمهور خبري آژانس د خبر له مخې چارواکي زیاتوي، کمانډو ځواکونو پرون جمعه د لیندۍ ۱۶ مه د هلمند ولایت په سنګین ولسوالۍ کې د طالبانو یو زندان مات کړی دی.

سرچینه وايي، په دې عملیاتو کې درې وسله وال طالبان وژل شوي او ۱۱ تنه چې د وسله والو طالبانو له خوا برمته شوي و، آزاد شوي دي.

طالبانو تر اوسه په دې اړه څه نه دي ویلي.

باید و ویل شي، چې له دې وړاندې هم کمانډو ځواکونو هلمند ولایت کې د طالبانو ځینې زندانونه مات کړي وو.

جمهورخبري آژانس:کابل