سیمه ییز چارواکي وايي، نیمروز ولایت کې د افغان پولیس او طالبانو تر منځ جګړه کې له دواړو غاړو ۱۴ تنو ته مرګ ژوبله اوښتې ده.
د
جمهور خبري آژانس د خبر له مخې جګړه تېره شپه (د تلې ۱۰ مه) د نیمروز ولایت په چخانسور ولسوالۍ کې هغه مهال رامنځ ته شوې، چې طالبانو په سیمه کې د پولیسو پر پوسته برید وکړ.
د چخانسور ولسوال حبیب الله اسد ویلي، د طالبانو په برید کې شپږ پولیس وژل شوي او څلور نور ټپیان شوي دي.
خو په وینا یې د پولیسو په ځوابیه برید کې شپږ وسله وال طالبان هم وژل شوي، چې جسدونه یې د جګړې په ډګر کې پاتې دي.
طالبانو تر اوسه په دې اړه څه نه دي ویلي.
جمهورخبري آژانس:نیمروز