سیمه ییز امنیتي چارواکي وايي، بلخ ولایت کې د تانه او چاهي سیمې د وسله والو طالبانو لاس ته لوېدلي دي.
د جمهور آژانس د خبر له مخې سیمه ییز چارواکو ویلي طالبانو تېره شپه د بلخ د چهاربولک ولسوالۍ د تانه پر کلي او د دولت آباد ولسوالۍ د چاهي پر کلي بریدونه وکړل.
سرچینه زیاتوي، دغه کلي، چې امنیت یې د سیمه ییزه پاڅونوالو له خوا ساتل کېده، د وسله والو طالبانو لاس ته ورغلې دي.
د بلخ د امنیه قوماندانۍ د امنیت امر عبدالرازق قادري د چهاربولکه د کلي سقوط تاييد وي خو د دولت آباد ولسوالي د چاهي په اړه وايي، سیمه ییزه امنیتي ځواکونو تکتیکي شا تګ کړی دی.
طالبانو هم د دغه کلیو د نیولو خبر ورکړی دی او ویلي یې دي، چې امنیتي ځواکونو ته یې درنه مرګ ژوبله اړولې خو امنیتي چارواکي یې دغه ادعا نه مني.
جمهورخبري آژانس:بلخ
