سیمه ییز امنیتي چارواکي وايي، بلخ ولایت کې د سړک د غاړې په یوه ماین چاودنه کې د ښځو او ماشومانو په ګډون ۱۲ ولسي وګړو ته مرګ ژوبله اوښتې ده.
د
جمهور خبري آژانس د خبر له مخې دغه چاودنه نن چهارشنبې د زمري ۱۷ مه د بلخ ولایت د شولګرې ولسوالۍ د قوشې قزل په کلي کې رامنځ ته شوې ده.
د بلخ د پولیسو ویاند شېرجان درانی وايي، چاودنه هغه مهال رامنځ ته شوې، چې د ولسي وګړو یو سراچه موټر او یو موټر سایکل له دې سیمې د تېرېدو په حال کې وو.
نوموړي زیاته کړې، چې په چاودنه کې کې څلور مېرمنې، دوه ماشومان او دوه نارینه وژل شوي او شپږ تنه نور ټپیان شوي دي.
د پېښې ټپیان د درملنې په موخه روغتون ته لېږدول شوي، خو د روغتیایي وضعیت په اړه یې معلوما نشته.
تر اوسه د چاودنې مسؤولیت هم چا پر غاړه نه دی اخیستی.
جمهورخبري آژانس:بلخ