سیمه ییز چارواکي وايي، په غزني ولایت کې ۷ تنو سیمه ییز پولیسو ته د وسله والو طالبانو په یوه برید کې مرګ ژوبله اوښتې ده.
د
جمهور خبري آژانس د خبر له مخې وسله والو طالبانو تېره شپه د غزني ولایت په خواجه عمري او ده یک ولسوالیو کې د سیمه ييزه پولیسو پر پوستو بریدونه کړي دي.
د غزني د والي ویاند محمد عارف نوري وايي، د طالبانو په دې بریدونو کې پنځه سیمه ييز پولیس وژل شوي او دوه نور ټپیانش وي دي.
دغه راز هغه زیاتوي، چې طالبانو په همدې شپه د یاد ولایت په اندړو او جغتو ولسوالیو هم بریدونه کړي دي، چې د افغان ځواکونو له سخت مقاومت وروسته په شاه تمبول شوي دي.
هغه زیاته کړه، چې په دې بریدونو کې امنیتي ځواکونو ته هېڅ ډول زیان نه دی اوښتي، خو د طالبانو د مرګ ژوبلې په اړه یې هم څه نه دي ویلي.
طالبانو هم تر اوسه په دې اړه څه نه دي ویلي.
جمهورخبري آژانس:غزني