الجزایر کې یوه الوتکه چې ۲۰۰ تنه په کې سپاره و لوېدلې ده

الجزایري رسنۍ وايي، د دغه هېواد یوه الوتکه چې ۲۰۰ تنه په کې سپاره و په البلیده ولایت کې لوېدلې ده.
د جمهور خبري آژانس د خبر له مخې د الجزایز ایلوشین ډوله الوتکه نن چهارشنبې د وري ۲۲ مه د بوفاریک له پوځي اډې پورته او د دغه هېواد د پلازمېنې په ۲۵ کیلومترۍ کې لوېدلې ده.

ویل کېږي، په دې الوتکه کې ۲۰۰ تنه سپاره و، چې ۱۰۵ تنه په کې وژل شوي دي.

د ژغورنې ځواکونه د الوتکې د اور د ګولولو او د ټوټو په راټولولو پسې پلټنې پیل کړې دي.

تر اوسه د پېښې د رامنځ ته کېدو علت نه دي معلوم شوی.

جمهورخبري آژانس:کابل