کندهار کې چاودنو ۱۱ تنو ته مرګ ژوبله اړولې

27 ثور 1396 ساعت 8:36

چارواکي وايي، په کندهار ښار کې د دوه پرلپسې چاودنو پر مهال ۱۱ تنو ته مرګ ژوبله اوښتې، چې ډېری یې ولسي وګړي دي.


چارواکي وايي، په کندهار ښار کې د دوه پرلپسې چاودنو پر مهال ۱۱ تنو ته مرګ ژوبله اوښتې، چې ډېری یې ولسي وګړي دي.
د جمهور آژانس د خبر له مخې دغه چاودنې تېره شپه شاوخوا ۸:۳۰ بجې د کندهار ښار د سردار مددخان څلور لاري کې رامنځ ته شوې دي.
د کندهار د والي ویاند صمیم خپلواک وايي، لومړی په یاده سیمه کې پر صرف موټر د چسپکي ماین چاودنه شوې، چې سیمې ته د پولیسو د رسېدو سره سم دوهمه چاودنه هم رامنځ ته شوې ده.
نوموړی زیاتوي، چې دوهمه چاودنه په زرنج موټر سایکل کې د ځای پر ځای کړای شویو چاودېدونکو توکو له امله رامنځ ته شوې.
د کندهار د والي ویاند وايي په دغه چاودنه کې یو ولسي وګړی وژل شوی او د دریو پولیسو په ګډون ۱۰ ولسي وګړي ټپیان شوي دي.
په ورته وخت کې ځینې امنیتي سرچینې بیا وايي په دغه چاودنه کې د کندهار ښار د څوارلسمې امنیتي حوزې امر هم ټپي شوی دی.
تر اوسه د چاودنو مسؤولیت چا پر غاړه نه دی اخیستی.
جمهورآژانس:کندهار


کد مطلب: 94502

آدرس مطلب: https://www.jomhornews.com/fa/news/94502/

جمهور
  https://www.jomhornews.com