په داسې حال کې، چې د سعودي عربستان او قطر تر منځ کړکېچ مخ پر زیاتېدو دی، پاکستان قطر ته خپله نظامي الوتکه لېږلې ده.
د جمهور آژانس د خبر له مخې تر دې وړاندې داسې خبرونه خپاره شول، چې پاکستان غواړي د عربي هیوادونو تر منځ لانجه کې د قطر تر څنګ ودریږي، خو د سعودي له ګواښ وروسته پاکستان له دې کار په شا شو.
خو اسلام آباد دا ځل د آموزشي جنګي الوتکو تر نامه خپلې جنګې چورلکې د یاد هېواد د ملاتړ په موخه استولې ده، چې هلته یې د قطري چارواکو له لوري هرکلی شوی دی.
د قطر د پوځ مشر احمد بن ابراهیم مالکي د اسلام آباد د پوځیانو او الوتکو د هرکلي لپاره د خوښۍ لویه غوڼده جوړه کړې وه.
په قطر کې د پوځي پوهنتون چارواکو ویلې، چې له دې وروسته به د نورو الوتکو ترڅنګ قطري پیلوټانو ته د پاکستان سوپر توغوندي وشتونکو الوتکو زده کړې هم ورکول کېږي.
جمهورآژانس:کابل
