د بنګلدیش امنیتي چارواکي وايي، د دغه هېواد په پلازمینه ډاکه کې ځانمرګی برید شوی دی، خو چا ته یې زیان نه دی اړولی.
د جمهور آژانس د خبر هل مخې چارواکو ویلي، چې ځانمرګي په ځان پورې تړیو چاودېدونکو توکو ته چاودنه ورکړې خو چا ته یې زیان نه دی اړولی.
پولیس وايي، بریدګر غوښتل چې د ډاکه ښار هوايي ډګر ته ولاړ شي خو پر سړک یې چاودنه کړې ده.
دوی زیاتوي، چې د بریدګر هویت نه دی معلوم خو ښايي د ۲۵ او ۳۰ کلونو تر منځ کس وي.
داعش ډلې د دغه برید مسؤولیت په غاړه اخیستی دی.
دا په روانه میاشت کې دا دویم ځانمرګی برید دی چې د بنګلدیش په پلازمینه ډاکه کې کېږي.
جمهورآژانس:کابل