د برېتانیا د بهرنیو چارو وزیر بوریس جانسن وايي، هېڅ هېواد باید پرېنښودل شي، چې په افغانستان کې نیابتي جګړې جاري وساتي.
د جمهور آژانس د خبر له مخې جانسن دغه څرګندونې تېره ورځ په کابل کې له خپل افغان سیال صلاح الدین رباني سره په یوه خبري غونډه کې وکړې.
هغه د افغانستان روان امنیتي وضعیت د درک وړ وباله او ویې ویل، چې د ترهګرو د لمنځه وړو، نیونې او محاکمې له پاره باید له افغان حکومت ملاتړ وشي.
نوموړي له افغان حکومت سره د خپل هېواد د کړو ژمنو پخلی وکړ او په افغانستان کې یې د ناټو په مشرۍ د غوڅ ملاتړ ماموریت حمایت هم اعلان کړ.
ده زیاته کړه، چې هیواد یې تر خپله وسله د افغانستان د حکومت ملاتړ کوي او په ورته وخت کې یې دا هم وویل، چې هېڅ هېواد باید پرېښنودل شي، چې په افغانستان کې نیابتي جګړې جاري وساتي.
هغه وايي، د افغانستان جغرافیايي موقعیت چې د سوداګرۍ او سیمه ییزو همکاریو ښه وړتیا لري او له لارې یې له منځنۍ اسیا څخه پاکستان ته انرژۍ اسانه لېږدېدای شي.
جمهورآژانس:کابل
